ಸಂಪದಕ್ಕೆ ಮೊಟ್ಟಮೊದಲು ಬರೆದ ಕವಿತೆ
ಸಂಗಮದ ಸಂಭ್ರಮ
March 17, 2013 - 9:57pm
ಸೊಳ್ಳೆಗಳು ಕಾಡಿದರು ಕೆರೆಯುವುದ ಮರೆತಿರುವೆ
ಸೊಣಗಗಳು ಬೊಗಳಿದರು ಜಗ್ಗದೇ ಕುಳಿತಿರುವೆ
ಸೊಗಸಾದ ಶಬ್ದಗಳ ಹುಡುಕ್ಯಾಡಿ ಬರೆದಿರುವೆ
ಸೊಂಪಾಗಿ ಸೊಗಯಿಸೊ ಕನಸುಗಳ ಕಂಡಿರುವೆ
ಸಂಪದಕೆ ಸ್ವರವಾಗಿ ಸೇರಬಯಸುವೆನಿಂದು
ಸಮಯಸಿಕ್ಕಾಗೆಲ್ಲ ಸಂಗಮಿಸುವೆನು ಬಂದು
ಸರಿತಪ್ಪುಗಳ ಅಳೆದು ಸಂಭ್ರಮಿಸಿರೀ ನಿಂದು
ಸಂಪದದೊಳಿಹ ಸಕಲ ಕವಿಶ್ರೇಷ್ಥರೂ ಬಂದು
- ತುಂಟ ಶೀನ
No comments:
Post a Comment